தலைமன்னாரில் இருந்து நேற்று (19) ஞாயிற்றுக்கிழமை இரவு கொழும்பு நோக்கி பயணித்த புகையிரதத்தில் மோதி மன்னார் தோட்டவெளி ஜோசப்வாஸ் நகர் கிராமத்தைச் சேர்ந்த குடும்பஸ்தர் ஒருவர் உயிரிழந்துள்ளதாக மன்னார் பொலிஸார் தெரிவித்துள்ளனர்.
தலைமன்னாரில் இருந்து நேற்று(19) ஞாயிற்றுக்கிழமை இரவு 10.30 மணியளவில் கொழும்பு நோக்கி பயணித்த புகையிரதம் தோட்டவெளி புகையிரதப்பாதையூடாக பயணித்த போதே இச்சம்பவம் இடம் பெற்றுள்ளது.
தோட்டவெளி ஜோசப்வாஸ் நகர் கிராமத்தை சேர்ந்த இரண்டு பிள்ளைகளின் தந்தையான என்.ஜெரால் காட்டர்(வயது-35) எனும் குடும்பஸ்தரே உயிரிழந்துள்ளார்.
சம்பவ இடத்திற்கு வந்த மன்னார் பொலிஸார் சடலத்தை மீட்டுள்ளதோடு மேலதிக விசாரனைகளை மேற்கொண்டு வருகின்றனர்.
