உலகை மிரளவைத்த இந்திய அரச குடும்பங்களின் சில விசித்திர நடவடிக்கைகள்!!!

ஹைதராபாத்தின் கடைசி நிசாம் மிர் உஸ்மான் அலி கான் ஜேகப் வைரம் என்ற உலகின் ஐந்தாவது பெரிய வைரத்தை, பேப்பர் வெய்ட்டாக பயன்படுத்தியிருக்கிறார். தீக்கோழியின் முட்டை அளவு இருக்கும் அந்த வைரம் 184.97 காரட் என்றும் அதன் மதிப்பு ஐந்து மில்லியன் யூரோக்கள் என்றும் கூறப்படுகிறது. இப்போது அது இந்திய அரசின் கட்டுப்பாட்டில் இருக்கிறது.

லண்டனில் ரோல்ஸ் ராய்ஸ் பணியாளி ஒருவர் அரசர் ஜெய் சிங்கை அவமரியாதை செய்த காரணத்தினால், ஆடம்பரமான ரோல்ஸ் ராய்ஸ் கார்களை வாங்கி வந்து தனது ஊரில் குப்பை அள்ள வைத்தார். பிறகு அவரிடம் மன்னிப்பு கேட்டுக் கொண்டதன் பேரில் ரோல்ஸ் ராய்ஸில் குப்பை அள்ளுவதை நிறுத்தினர்.

உதய்பூர் குடும்பம் படிகங்கள் (Crystals) மீது மிக்க ஆர்வம் கொண்டவர்களாக இருந்தனர். அவர்களது அரண்மனையில், நாற்காலிகள், சிம்மாசனங்கள், விளக்குகள் விசிறிகள் என அனைத்திலும் படிகங்கள் பத்தித்து வைத்திருந்தனர். அரண்மனையே இதனால் என்றும் ஜொலித்துக் கொண்டிருந்தது.

லால்பாக் அரண்மனையின் நுழைவாயில் கதவுகள் லண்டனில் வடிவமைக்கப்பட்டு அங்கிருந்து கப்பல் மூலம் இந்தூரில் இருக்கும் அரண்மனைக்கு வரவழைக்கப்பட்டு நிறுவப்பட்டது.

கூச் பெஹர்ஸ் மகாராணி இந்திரா தேவி இத்தாலியின் பிரபல வடிவமைப்பாளர் சல்வடோர் (Salvatore Ferragamo) என்பவரிடம் நூறு ஜோடி வைரம் பதித்த காலணிகளை தயாரித்து தர கூறி வாங்கினார். சல்வடோர் (Salvatore Ferragamo) என்பவர் 20ஆம் நூற்றாண்டின் மிகவும் பிரபலமான வடிவமைப்பாளர் என்பது குறிப்பிடத்தக்கது.

இரண்டாம் சவாய் மாதோ சிங் மகாராஜா சிறப்பாக சுத்தமான வெள்ளியில் இரண்டு பெரிய பத்திரங்கள் செய்ய கட்டளையிட்டார். அவர் இங்கிலாந்து செல்லும் போது அவருடன் கங்கை நீரை எடுத்து செல்ல இதை உருவாக்க கூறினார் என்கிறார்கள்.