இத்தாலியில் வைரஸ் காரணமாக மோசமாக பாதிக்கப்பட்டுள்ள பெர்காமோவில் உள்ள மருத்துவமiயொன்றில் மருத்துவர்களும் தாதிமார்களும் நோயாளிகளிற்கு சிகிச்சை அளிப்பதற்கு கடுமையான போராட்டத்தில் ஈடுபட்டுள்ளதை காண்பிக்கும் வீடியோக்கள் படங்கள் வெளியாகியுள்ளன.
பப்பா கியோவனி மருத்துவமனையிலிருந்து எடுக்கப்பட்ட படங்களை ஸ்கை நியுஸ் வெளியிட்டுள்ளது.அவசர நோயாளர் பிரிவொன்று ஐசியூவாக மாற்றப்பட்டுள்ளதை அந்த வீடியோ காண்பித்துள்ளது.
மருத்துவமனையின் ஒரு ஐசியூவில் இடம்பற்றாக்குறை நிலவுவதன் காரணமாக இரண்டாவது ஐசியூ தேவைப்பட்டுள்ளது.
மிக அதிகளவில் நோயாளர்கள் காணப்படுவதை அந்த வீடியோ காண்பித்துள்ளது.
எங்கள் பிரிவிற்கு நாளாந்தம் 50முதல் 60 நோயாளிகள் வருகின்றனர்,அவர்கள் கடுமையான பாதிப்புகளுடன் வருகின்றனர் அவர்களிற்கு பெருமளவு ஒக்சிசன் தேவைப்படுகின்றது எனவும் அவர் தெரிவித்துள்ளார்.
இதன் காரணமாக நாங்கள் எங்கள் மருத்துமவமனையின் கட்டமைப்பை மாற்றியமைத்தோம் மூன்று அடுக்கு ஐசியுவை ஏற்படுத்தினோம் என அவர் தெரிவித்துள்ளார்.
கடுமையான வேதனையில் காணப்படும் நோயாளிகளினால் நிரம்பியிருக்கும் கட்டில்கள் காணப்படும் வோர்ட்களில் இருந்து அவர்கள் வேகமாக சென்று கொண்டிருந்தனர் என அவர் தெரிவித்துள்ளார்.
மருத்துவ குழுவினர் இங்கு ஒரு யுத்தத்தில் ஈடுபட்டுள்ளனர் அவர்கள் தோல்வியடைந்து வருகின்றனர் என செய்தியாளர் தெரிவித்துள்ளார்.
மரணிக்கும்நோயாளிகளின் அளவு இத்தாலியின் ஒவ்வொரு மருத்துவமனையிலும் அதிகரித்து வருகின்றது,விரைவில் இத்தாலி முழுவதும் இந்த நிலை உருவாகலா ம் என அவர் தெரிவித்துள்ளார்.
அவர்கள் குழுவாக சேர்ந்து நோயாளியை உன்னிப்பாக அவதானிக்கின்றனர் அவர்கள் இல்லாவிட்டால் நோயாளி விரைவில் இறந்துவிடுவார் என அவர் தெரிவித்துள்ளார்.
