கராப்பிட்டிய போதனா வைத்தியசாலையின் விசேட சிறுவர் சத்திரசிகிச்சை நிபுணர் பதினைந்து வயதுடைய சிறுமியொருவர் குழந்தையைப் பெற்றெடுத்த சம்பவத்தை சிறுவர் பாதுகாப்பு அதிகார சபைக்கு தெரிவிக்காமல் மறைத்து செயற்பட்டுள்ளதாக தெரியவந்துள்ளது.
குறித்த சிறுமி 14 வயதில் கர்ப்பமானாதாக தெரிவிக்கப்படுகிறது
இச்சிறுமிக்கு அறுவை சிகிச்சை மூலம் பிரசவம் இடம்பெற்றுள்ளது.
குழந்தையுடன் மருத்துவமனையில் தங்கி சிகிச்சை பெற்று வரும் சிறுமி பற்றி அறிந்த மருத்துவமனை ஊழியர்கள் சிறுமி மீது தொடர்பில் சட்ட நடவடிக்கை எடுக்குமாறு மருத்துவமனை நிர்வாகத்திற்கு தகவல் கொடுத்தனர்.
இந்நிலையில் சிறுமிக்கு பிரசவம் பார்த்த அறுவை சிகிச்சை நிபுணர், வார்டுக்கு வந்து, அவர் தனது நோயாளி என்றும், அவரை சட்டப்பூர்வமாக கையாள்வது தேவையற்றது என்றும் ஊழியர்களை மிரட்டியதோடு சிறுமி கடந்த 26ம் திகதி வார்டில் இருந்து உடனடியாக அனுப்பிவைக்கப்பட்டுள்ளார்.
இச்சம்பவம் தொடர்பில் கராப்பிட்டிய போதனா வைத்தியசாலையின் பணிப்பாளர் வைத்தியர் உதேஸ் ரங்கா தெரிவிக்கையில்:
குழந்தை பெற்றெடுத்த சிறுமி தொடர்பில் வைத்தியசாலையின் சட்ட வைத்திய பிரிவுக்கு முன்கூட்டியே அறிவிக்கப்பட்டதாகவும், பின்னர் சிறுவர் பாதுகாப்பு அதிகார சபைக்கு நேற்று (28) அறிவிக்கப்பட்டதாகவும் சிறுமி வசிக்கும் பகுதியின் வைத்திய அதிகாரிக்கும் அறிவித்ததாகவும் பணிப்பாளர் தெரிவித்துள்ளார்.
