தங்காலை – மாத்தறை பிரதான வீதியின் தலல்ல பகுதியில் இன்று (25) இடம்பெற்ற வாகன விபத்தில் பெண் ஒருவர் உயிரிழந்துள்ளார்.
முச்சக்கர வண்டியும் ரிப்பர் வாகனமும் நேருக்கு நேர் மோதியதில் இந்த விபத்து ஏற்பட்டுள்ளது.
கொட்டகொட பிரதேசத்தைச் சேர்ந்த 30 வயதுடைய பெண்ணே விபத்தில் உயிரிழந்துள்ளார்.
விபத்தின்போது முச்சக்கரவண்டியில் ஐவர் பயணித்துள்ளதாக பொலிஸார் தெரிவித்தனர்.
காயமடைந்த 33 வயதான முச்சக்கரவண்டி சாரதி, 15 வயதுச் சிறுவன், 14 வயது சிறுமி மற்றும் 11 மாதக் குழந்தை ஆகியோர் சிகிச்சைக்காக மாத்தறை வைத்தியசாலையில் அனுமதிக்கப்பட்டுள்ளனர்.
விபத்தில் காயமடைந்த குழந்தையின் நிலைமை கவலைக்கிடமாக உள்ளதாக வைத்தியசாலை வட்டாரங்கள் தெரிவிக்கின்றன.
விபத்து தொடர்பான மேலதிக விசாரணைகளை கந்தரை பொலிஸார் மேற்கொண்டு வருகின்றனர்.
