வரலாற்றுச் சிறப்புமிக்க யாழ். நல்லூர் கந்தசுவாமி ஆலயப் பெருந்திருவிழாவில் இன்று ஞாயிற்றுக்கிழமை காலை 7 மணிக்குத் தேர்த் திருவிழா நடைபெறவுள்ளது.
நல்லூர் கந்தசுவாமி ஆலயப் பெருந்திருவிழா கடந்த ஓகஸ்ட் 9 ஆம் திகதி கொடியேற்றத்துடன் ஆரம்பமானது. இதில், 24 ஆம் திருவிழாவான இன்று தேர்த் திருவிழா நடைபெறவுள்ளது.
இதேவேளை, 25 ஆம் திருவிழாவான நாளை திங்கட்கிழமை காலை 6.15 மணிக்குத் தீர்த்த உற்சவம் இடம்பெறும். மாலை 4.30 மணிக்குக் கொடியிறக்கத்துடன் பெருந்திருவிழா நிறைவு பெறும் என்பது குறிப்பிடத்தக்கது.
