தனுஷ் நடிப்பில் விக்னேஷ் ராஜா இயக்கத்தில் கடந்த வாரம் வெளியான ‘கர’ திரைப்படம் ரசிகர்கள் மத்தியில் கலவையான விமர்சனங்களைப் பெற்று வரும் நிலையில், வசூலில் பெரும் சரிவைச் சந்தித்துள்ளது. படத்தின் முதல் நான்கு நாட்களில் ரூ. 35 கோடி வசூல் செய்திருந்த நிலையில், வேலை நாளான நேற்று வெறும் ரூ. 2 கோடி மட்டுமே வசூலித்துள்ளது. இதன் மூலம் ஐந்து நாட்கள் முடிவில் படம் மொத்தம் ரூ. 37 கோடியை மட்டுமே எட்டியுள்ளது. விமர்சனங்கள் சாதகமாக இல்லாதது மற்றும் வார நாட்களில் போதிய வரவேற்பு இல்லாதது இப்படத்தின் வசூலைப் பாதித்துள்ளதாகத் தெரிகிறது. முன்னதாக தனுஷ் இயக்கத்தில் வெளியான ‘இட்லி கடை’ திரைப்படமும் எதிர்பார்த்த வெற்றியைப் பெறத் தவறிய நிலையில், ‘கர’ படமும் மிகப்பெரிய தோல்வியை நோக்கிச் செல்வதாகத் திரைத்துறை வட்டாரங்கள் தெரிவிக்கின்றன. படத்தின் பட்ஜெட்டுடன் ஒப்பிடுகையில் இந்த வசூல் மிகவும் குறைவாகக் கருதப்படுகிறது. தனுஷின் அடுத்தடுத்த படங்கள் வசூல் ரீதியாகப் பின்னடைவைச் சந்திப்பது அவரது ரசிகர்களிடையே கவலையை ஏற்படுத்தியுள்ளது. வரும் வார இறுதி நாட்களில் வசூல் அதிகரித்தால் மட்டுமே படம் தப்பிக்கும் நிலை உள்ளது. தற்போது நிலவும் சூழலைப் பார்த்தால், இப்படம் வணிக ரீதியாகத் தோல்வியடையவே அதிக வாய்ப்புள்ளதாகத் தெரிகிறது.
Related Posts
