3 மகள்­மாரை கழுத்தை நெரித்து படு­கொலை செய்த பாகிஸ்­தா­னிய தந்­தையின் கொடூரம்

தனது 3 மகள்­மாரின் கல்­விக்காக பணத்தை வீண­டிக்க விரும்­பாத தந்­தை­ யொ­ருவர், அவர்­களைக் கழுத்தை நெரித்து படு­கொலை செய்த சம்பவம் பாகிஸ்­தானில் இடம்­பெற்­றுள்­ளது.

கடந்த ஞாயிற்­றுக்­கி­ழமை இரவு இடம்­பெற்ற இந்த கொடூர சம்­பவம் குறித்து சர்­வ­தேச ஊட­கங்கள் புதன்­கி­ழமை செய்­தி­களை வெளி­யிட்­டுள்­ளன.

லாகூர் நக­ரி­லி­ருந்து சுமார் 135 மைல் தொலை­வி­லுள்ள சாக் ஜும்ரா நகரைச் சேர்ந்த இர்ஷாத் அஹ்மெட் என்ற தந்­தையே தனது மகள்­மா­ரான சஷ்மான், அமான் மற்றும் பிஸா ஆகி­யோரை இவ்வாறு படு­கொலை செய்­துள்ளார்.

இரட்­டை­யர்­க­ளான சஷ்­மா­னுக்கும் அமா­னுக்கும் வயது 7 ஆகும். அதே ­ச­மயம் பிஸாவின் வயது 5 ஆகும்.

சம்­பவ தினம் இர்ஷாத் தமது ஒரே மகனை மட்டும் அழைத்துக் கொண்டு திரு­மண வைப­வ­மொன்­றுக்கு செல்­லு­மாறு தனது மனைவி ஷபானா நாஸை(35 வயது) வற்­பு­றுத்­தி­யுள்ளார்.

ஆனால் மனை­வியோ தமது மக­னுடன் இளைய மக­ளான இரண்டு வயதுக் குழந்­தை­யையும் தன்­னுடன் அழைத்துச் சென்­றுள்ளார்.

  திரு­மண வைபவம் முடிந்து வீடு திரும்­பிய ஷபானா, தமது 3 மகள்­மாரும் இறந்து கிடப்­பதைக் கண்டு அதிர்ச்­சி­ய­டைந்­துள்ளார். அவ­ரது கணவர் தலை­ம­றை­வா­கி­யி­ருந்தார்.

இது தொடர்பில் ஷபானா பொலி­ஸா­ருக்கு அளித்த வாக்­கு­மூ­லத்தில், தனது கணவர் தமது மகள்மாரால் எது­வித பிர­யோ­ச­னமும் இல்லை எனவும் குடும்­பமே பட்­டி­னியால் இறக்கும் நிலை ஏற்படப்­போ­வ­தா­கவும் அதனால் அவர்­களை கொல்லப் போவ­தா­கவும் கூறி வந்­த­தாக தெரி­வித்தார்.

“எனது க­ணவர் எனது மகள்மார் பாட­சா­லைக்கு செல்­கையில் ஒரு சதத்தைக் கூட கொடுத்­த­தில்லை.

எனது பெற்­றோரே அவர்­க­ளுக்­கான பாட­சாலைக் கட்­ட­ணங்கள், பாடப் புத்­த­கங்கள் மற்றும் சீரு­டைகள் என்­ப­வற்­றுக்கு ஏற்­படும் செலவைப் பொறுப்­பேற்­றி­ருந்­தனர்” என்று கூறிய ஷபானா, தமது கடைசி மகள் பிறந்­தது முதற் கொண்டு கணவரின் மகள்மார் மீதான வெறுப்பு நிலைமை மோசமானதாக கூறினார்.

ஷபானா தற்போது தனது எஞ்சி யுள்ள இரு பிள்ளைகளுடன் தனது பெற்றோரின் வீட்டில் வாழ்கிறார்.