130 ஆண்டுகள் சிறைத்தண்டனை விதிக்கப்பட்டு, அதனை அனுபவித்து வந்த நபர், தற்போது குற்றமற்றவர் என்று நிரூபிக்கப்பட்டதையடுத்து சிறையில் இருந்து விடுவிக்கப்பட்டார்.
அவர் குற்றமற்றவர் என நீதிபதி அறிவித்த உணர்ச்சிகரமான தருணத்தின் வீடியோ தற்போது சமூக வலைதளங்களில் பகிரப்பட்டுள்ளது.
20 வருடங்கள் சிறையில்
அமெரிக்காவின் ஹவாய் மாகாணத்தைச் சேர்ந்த 51 வயதான ஆல்பர்ட் ‘இயான்’ ஸ்வீட்சர் (Albert ‘Ian’ Schweitzer), ஹவாயில் பிக் தீவின் மீன்பிடித் தடத்தில் கண்டெடுக்கப்பட்ட டானா அயர்லாந்து (Dana Ireland) என்ற பெண் சுற்றுலாப் பயணியைக் கடத்தி கொலை செய்ததாக, 1991-ஆம் ஆண்டு கைது செய்யப்பட்டார். அப்போதிருந்து அவர் 20 வருடங்கள் சிறையில் இருந்தார்.
130 ஆண்டுகள் சிறைத்தண்டனை அனுபவித்து வந்த நபர் விடுதலை! உணர்ச்சிவசத்தால் நிறைந்த நீதிமன்றம் | Man Serve 130 Year Jail Term Freed Proves InnocentHawai news Now
பின்னர், ஸ்வீட்சர் 2000-ஆம் ஆண்டு குற்றவாளி என்று தீர்ப்பளிக்கப்பட்டார். அவர் குற்றமற்றவர் என்று வலியுறுத்திய போதிலும் அவருக்கு 130 ஆண்டுகள் சிறைத்தண்டனை விதிக்கப்பட்டது.
உடனடியாக விடுவிக்க வேண்டும்
ஆனால் சமீபத்தில், டாணா அயர்லாந்தின் மரணத்திற்கு அவர் காரணமில்லை என்று டிஎன்ஏ சான்றுகள் மூலம் நிரூபிக்கப்பட்டதை அடுத்து, அவர் மீதான அனைத்து குற்றச்சாட்டுகளும் கைவிடப்பட்டன.
இந்நிலையில், கடந்த செவ்வாய்கிழமையன்று, ஸ்வீட்ஸரை ‘உடனடியாக அவரது கைவிலங்குகளிலிருந்து விடுவிக்க வேண்டும்’ என்று நீதிபதி பீட்டர் குபோடா தீர்ப்பளித்தார்.
குற்றமற்றவர் என நிரூபிக்கப்பட்டு விடுதலையான ஸ்வீட்சரை, அவரது வழக்கறிஞர், குடும்பத்தினர் மற்றும் ஆதரவாளர்கள் அவரை கண்ணீருடன் கட்டிப்பிடித்தனர். இது உடனடியாக நீதிமன்ற அறையில் கைதட்டலைத் தூண்டியது.
உடல் முழுவதும் உணர்ச்சிகள்
விடுதலைக்குப் பிறகு செய்தியாளர்களிடம் பேசிய ஸ்வீட்சர், தனது உடல் முழுவதும் எல்லா இடங்களிலும் பதட்டம், பயம், என பல உணர்வுகளை ஒரே நேரத்தில் உணர்ந்ததாக கூறினார்.
மேலும், நீதி அமைப்பில் குறைபாடு உள்ளது என்றும், தாங்கள் செய்யாத குற்றங்களுக்காக சிறையில் அடைக்கப்பட்ட பலரில் தானும் ஒருவர் என அவர் குறிப்பிட்டார்.
130 ஆண்டுகள் சிறைத்தண்டனை அனுபவித்து வந்த நபர் விடுதலை! உணர்ச்சிவசத்தால் நிறைந்த நீதிமன்றம் | Man Serve 130 Year Jail Term Freed Proves InnocentAP
Schweitzer இன் விடுதலைக்கு பெரிதும் காரணம் ஹவாயின் இன்னசென்ஸ் திட்டமாகும், இது அமெரிக்க நீதி அமைப்பின் வலையில் சிக்கியுள்ள மக்களை அழிக்க போராடுகிறது.
