“பார்த்திபன் இயக்கிய ‘டீன்ஸ்’ திரைப்படம் கடந்த ஜூன் 12 ஆம் தேதி ‘இந்தியன் 2’ படத்துடன் வெளியாகி வரவேற்பை பெற்று வருகிறது.
இந்நிலையில் ‘டீன்ஸ்’ படத்தின் புரோமோசனுக்காக யூடியூப் சேனல் ஒன்றுக்கு பேட்டியளித்த பார்த்திபன் பேசியுள்ள கருத்து தற்போது வைரலாகி வருகிறது.அந்த பேட்டியில் பேசிய பார்த்திபன்,
“இப்போதெல்லாம் ஒரு படம் ஹிட் ஆகவேண்டும் என்றால் கதை சரியாக இருக்கவேண்டும் என்று அவசியம் இல்லை.
தமன்னாவை ஆட வைத்தால் போதும் கதை சரியாக இல்லை என்றாலும் கூட படம் ஹிட் ஆகிவிடும்” என கூறியுள்ளார்.
சமீப காலமாக வெளியாகி வரும் ஒரு சில படங்களில் நடிகை தமன்னா நடனமாடிய பாடல்கள் படத்திற்கு வலு சேர்ப்பதாக இருந்தது.
எனவே பார்த்திபன் மறைமுகமாக ரஜினி படத்தை தாக்கிப் பேசுகிறாரா என்று நெட்டிஸின்கள் கடுங்கோபத்தில் உள்ளனர்.
கடைசியாக சுந்தர்.சி இயக்கத்தில் வெளிவந்த ‘அரண்மனை 4’ படத்தில் ராஷி கண்ணா மற்றும் தமன்னா இணைந்து நடனமாடிய ‘அச்சசோ’ பாடலும் பேசப்பட்டது குறிப்பிடத்தக்கது.
முன்னதாக ”இந்தியன் ௨ படம் குறித்து யாரும் நன்றாக சொல்லவில்லை அதனால் இன்னும் படம் பார்க்கவில்லை” என்று பார்த்திபன் கூறியது விவாதப் பொருளானதையும் கவனிக்க வேண்டியுள்ளது.
