இந்த ஆண்டு அஜித் ரசிகர்களுக்கு தொடர்ச்சியாக விருந்தாக அமைந்த திரைப்படங்கள் விடாமுயற்சி மற்றும் குட் பேட் அக்லி. இதனுடன் போனஸாக கடந்த வாரம் திரையரங்குகளில் ரீ-ரிலீஸான படம் அட்டகாசம்.
2004 இல் வெளிவந்த இந்த மாஸ் எண்டர்டெய்னர், அஜித் ரசிகர்களிடம் சிறப்பு இடம் பெற்ற ஒன்று. ரீ-ரிலீஸ் அறிவிப்பு வந்த உடனே ரசிகர்கள் முழு உற்சாகத்துடன் எதிர்பார்த்தனர், அது திரையரங்குகளில் பெரும் கொண்டாட்டமாக மாறியது.
திரையரங்கங்கள் முழுவதும் பேனர், பட்டாசு, ரசிகர்கள் சத்தம் என திருவிழா சூழ்நிலை நிலவியது. ரசிகர்கள் எடுத்த வீடியோக்களும் சமூக வலைத்தளங்களில் வைரலானது.
இந்நிலையில், ரீ-ரிலீஸான அட்டகாசம் திரைப்படத்தின் பாக்ஸ் ஆபிஸ் வசூல் விவரம் தற்போது வெளியாகியுள்ளது. அதன்படி, படம் இதுவரை ரூ.98+ லட்சம் வசூல் செய்துள்ளதாக அதிகாரப்பூர்வ தகவல்கள் தெரிவிக்கின்றன.
ரீ-ரிலீஸான ஒரு பழைய படத்துக்கு இது மிகச்சிறந்த வரவேற்பாக பார்க்கப்படுகிறது. அஜித் ரசிகர்கள் சமூக வலைத்தளங்களில் இந்த வசூல் குறித்து கொண்டாட்டத்தை மேலும் அதிகரித்துள்ளனர்.
