நாடாளுமன்றத் தேர்தலில் தமிழ்த் தேசியக் கூட்டமைப்பு வெற்றி பெற்ற மட்டக்களப்பு, வன்னி தேர்தல் மாவட்டங்களில் இருந்து தெரிவு செய்யப்பட்டுள்ள நாடாளுமன்ற உறுப்பினர்கள், மற்றும் அவர்கள் பெற்றுள்ள விருப்பு வாக்குகளின் விபரங்கள் வெளியிடப்பட்டுள்ளன.
இந்த இரண்டு மாவட்டங்களில் இருந்தும், தமிழரசுக் கட்சியின் சார்பில் 7 உறுப்பினர்களும், ஐதேக சார்பில் இரு உறுப்பினர்களும், ஐக்கிய மக்கள் சுதந்திர முன்னணி மற்றும் சிறிலங்கா முஸ்லிம் காங்கிரஸ் சார்பில் தலா 1 உறுப்பினர்களும் தெரிவாகியுள்ளனர்.
வன்னி மாவட்டம்
இலங்கைத் தமிழரசுக் கட்சி
1.சார்ள்ஸ் நிர்மலநாதன் – 34,620
2.செல்வம் அடைக்கலநாதன் – 26,397
3.சிவசக்தி ஆனந்தன் – 25,027
4.மருத்துவ கலாநிதி சிவமோகன் – 18,412
ஐக்கிய தேசியக் கட்சி
1.ரிசாத் பதியுதீன் – 26,291
ஐக்கிய மக்கள் சுதந்திர முன்னணி
1.கே.கே.மஸ்தான் – 7,298
மட்டக்களப்பு மாவட்டம்
இலங்கைத் தமிழரசுக் கட்சி
1.ஞா.சிறீநேசன் – 48,221
2.வியாழேந்திரன் (அமல்) – 39,312
3.சீ.யோகேஸ்வரன் – 34,039
சிறிலங்கா முஸ்லிம் காங்கிரஸ்
1.அலிசாகிர் மௌலானா -16,611
ஐக்கிய தேசியக் கட்சி
1.அமீர் அலி -16,386
கூட்டமைப்பின் முன்னாள் நாடாளுமன்ற உறுப்பினர்கள் நால்வர் தோல்வி
யாழ்ப்பாண மாவட்டத்தில் போட்டியிட்ட சுரேஸ் பிரேமச்சந்திரன் அடைந்துள்ள தோல்வி, கூட்டமைப்பில் இடம்பெற்றுள்ள ஈபிஆர்எல்எவ் கட்சிக்கு ஏற்பட்ட பாரிய பின்னடைவாக கருதப்படுகிறது.
அதேவேளை, மட்டக்களப்பு மாவட்டத்தில் தமிழரசுக் கட்சியைச் சேர்ந்தவர்களான முன்னாள் நாடாளுமன்ற உறுப்பினர்கள் பொன்.செல்வராசா மற்றும் அரியநேத்திரன் ஆகியோரும் தோல்வியடைந்துள்ளனர்.
வன்னி மாவட்டத்தில், தமிழ்த் தேசியக் கூட்டமைப்பின் முன்னாள் நாடாளுமன்ற உறுப்பினர், வினோநோகராதலிங்கம் இம்முறை தோல்வியைத் தழுவியுள்ளார்.
இவர்கள் நால்வரும், கடந்த நாடாளுமன்றத்தில் அங்கம் வகித்து வந்தவர்களாவர்.
அதேவேளை, முன்னர் நாடாளுமன்ற உறுப்பினர்களாக இருந்து இம்முறை கூட்டமைப்பின் சார்பில் போட்டியிட்டவர்கள் சிலரும் தோல்வியடைந்துள்ளனர்.
அம்பாறை மாவட்டத்தில் போட்டியிட்ட முன்னாள் நாடாளுமன்ற உறுப்பினர்களான குணசேகரம் சங்கர், சந்திரநேரு சந்திரகாந்தன், மட்டக்களப்பு மாவட்டத்தில் போட்டியிட்ட கோவிந்தன் கருணாகரம், குணசீலன் சௌந்தரராஜன், ஆகியோரும் இம்முறை தோல்வியைத் தழுவியுள்ளனர்.
